ام حسين قاعده على الرحايه تلم الطحين
سمعت حسين بيصرخ من جوه قلبه الحزين
الحقينى يامه العمر عدى وولى والهم خد منى ما خلى
جار الزمن عليا طوالى وانا فى ليلى بالى خالى
جعمز حسين جار امه يشكى همه المسكين
شاورينى يامه قلبى احتار ومن الحيره كلى
اختار مين من الصبايا اللى تملى دارى وتدفى شتايا
اخد مين بنت عمى ولا زينه بنت عم ياسين
احترت يادى الحوسه ويادى الوقعه الطين
ام حسين لفت شالها وزمت على كيله الطحين
شوف ياضنايا بنت عمك دى حكم داير زى الرحايا
حلوه ولا شينه اهى فى الاخر على ضهرك شيله
خشمها على عوجه زى المغاره
وشعرها مبروم كيف برم الدوباره
وقدها كيف الولاد ولا عنتر ابن شداد
اما زينه جبينها الشمس تخجل تنضره
والعيون النيلى يغار منها البدر ويأسره
تتمخطر يمين وشمال مع رنه الخلخال
ولا اجدعها مزمار على تقسيم الموال
لافينى خلجاتى ومداسى وفوقهم الشال
روح عيط عليها يا ولد والبس قفطان مالبسه حد
راح اخطبهالك وتبقا حلالك يوم الاحد
وتدخل زينه الدار وعلى كفوفها سبت ورد
لاتقول
حلوه ولا شينه اهى فى الاخر على ضهرك شيله
خشمها على عوجه زى المغاره
وشعرها مبروم كيف برم الدوباره
وقدها كيف الولاد ولا عنتر ابن شداد
اما زينه جبينها الشمس تخجل تنضره
والعيون النيلى يغار منها البدر ويأسره
تتمخطر يمين وشمال مع رنه الخلخال
ولا اجدعها مزمار على تقسيم الموال
لافينى خلجاتى ومداسى وفوقهم الشال
روح عيط عليها يا ولد والبس قفطان مالبسه حد
راح اخطبهالك وتبقا حلالك يوم الاحد
وتدخل زينه الدار وعلى كفوفها سبت ورد
لاتقولى بنت عمى ولا عشره ايام وليالى
ده بيت وعزوه وولد محتاج يشغل بالى
ويوم الشده اتسند ويرأف علي حالى
اختار اللى تسرك ورخيصك عندها غالى
ليست هناك تعليقات:
إرسال تعليق