خبط الباب خبطتين
جريت بلهفه أشوف مين
لا........مستحيل
والدي اخيرا بين الايدين
راجع بعد غربه وشقا سنين
واحشني يا طيب
واحشني يا ضي العين
احكيلي عن ايامك
وعن وحدتك
وكان ايه تمن غربتك
آه ..هتقولي راجع بقرشين
يسندوا ضهر المسكين
ويشرحوا القلب الحزين
آمال دمعتك ليه علي الخدين
وعلامات الزمن علي الجبين
لهفه وشوق وحنين
ولا ندم علي فراق السنين
ولا ألم من بعاد الغاليين
وعدت الايام كأنها حلم بمنامي
راحت الايام زي الثواني
ووالدي راجع تاني
هتسافر يا والدي من تاني؟
ولا هترجع لدنياك
اصل الدنيا كمان هنا عايزاك
وطلعت مش لو حدي اللي بستناك
سيب الفكه اصل هنا بقا زي هناك
وقبل ما تمشي خد قلمي معاك
اكتب لي عن احوالك هناك
وخلي صورتي وياك
ووعد مني علطول هستناك
ليست هناك تعليقات:
إرسال تعليق