غني معايا يا ناى وقول
واكسر صمتك مع الأرغول
شق طريقك وسمع صداك للكون
انشد واطرب قلبى المجنون
واحكي حكايه عاشق مهموم
وبصوته ينعى حظه المشئوم
**********
عاشق يا خمريه لون العيون
وادوب بهواكى وبشعرك انا مفتون
زيدى بعذابى وبهجرك انا مكلوم
احلف بحبك انا عاشق وعمرى ما اخون
خلاص آمنت اني للعهد أصون
**********
جاى تغنى غوايه ولا تسمعنى بكايا !!
كنت فين والجرح نال مني ومات ضحكى وهنايا
شايل ورده وبإيديك أملى ومنايا
طالب أسامح وانسى اى شئ جارح
رافض يكون في قلبك شئ سوايا
**********
سامع يا قلبى الناى!!!!
اتهزيت!!! أصل بعنادك اتماديت
وعلى ندم العاشق جنيت
رجفتك ملهاش معنى تانى
حنيت وعاد بيك الحنين من تانى
**********
احترت يا ناى معايا!!!
امال لو سمعت صدى غنايا
حبيب الفؤاد علي جمر ورماد
يشكى ألمه وطول السهاد
وقلبى مايل اليه ورافض البعاد
خايف من غدر وجرح جديد
طالب اعتراف بالحب والتوكيد
**********
سكت الناى وسكتت ترانيمه
أشفق بحالى ومال عليا بمواويله
يا صبيه العشق بين البكى والفرح بغنيله
شيلى عنك همك دا العشق مكتوب علي جبينه
دا لولا العشق مكنش رقصت على خصرى أناميله
أزال المؤلف هذا التعليق.
ردحذف