النهارده بكتب بمود غير عادي وكمان غريب
حزينه علي زمن فقدنا فيه الاحساس بالصدق بنكدب ونصدق كدبنا
ياتري فاكرين البشر اغبياء؟؟
ليه بنهرب من نصيحه اخ او صديق .. ومنعرفوش غير وقت الضيق
الكدب مرض العصر ومالوش دواء والنتيجه تكبر وكبرياء
الزمن الوردي ذبلت اوراقه ولم يبقا غير اشواكه
ضاع الصديق بين الاصدقاء وساد الكدب والرياء
وكذبه تجر كذبه اصلها مبقتش صعبه
هتفرق ايه؟ او هو له عندي ايه ؟ بس لغايه فين هنفضل ورا الكدب ماشيين
اهل زمان قالوا الكدب مالوش رجلين
فاكر ان الناس تقبل وتنسي ووقت الغرق مفيش مرسى
صاحبي واخويا بيكدب عليا وشايف كدبته بعينيا
عيش يا صاحبي بدنيا الكدب فيها مشروع لكن بوعد منها انك تصاحب الدموع
فاكر الكدب شطاره والعباره بالدوباره بس يوم الخساره هديك الاماره
من غيري يا صاحبي هيشيلك ولو مش خايف عليك مكنش زماني بدعيلك
ولغايه عندك اجيلك واشيل دموعي بمنديلك
ندم علي صدق اتحارب بالعدم
مش هطلب منك تصارحني ولا اعاتبك وتواجهني
بس امانه عليك تفتكرني واعرف ان خوفي هو الي قيدني وشئ جوايا بيالمني
ولو جيت ونصحتك تنكر وتشكك
خلاص يا صاحبي كده بقيت براحتك
اعقلها يا صاحبي وازرع نفسك مكاني ولو خنتك يوم هتسامح ؟؟؟؟
ولا هتكون اناني ؟؟؟ ولا خلاص هتنساني !!!!!!
ليست هناك تعليقات:
إرسال تعليق