السلام عليكم
اخ لينا عرض مشكله عن بنت تايهه بين النت وبين اهلها . من شاب استهتر بمشاعرها وكمان بيهددها
انه يروح لغايه بيتها ويكشف عن صورتها؟
والبنت غرقانه في مشكلتها.
كانت ردودنا قاسيه.اللي قال دي غلطانه واللي قال لازم تكون ندمانه
والحل ايه؟؟ لسه البنت غرقانه
كلنا رفعنا السكينه علي رقبه المسكينه
ولما شافت كلامنا ماتت من لسانا
مين فينا ملاك وغير معرض للهلاك
لو كانت بنتك او حتي اختك؟!!!!
هنا كان صمت الكلام ورفعت كل الاقلام
كل واحد عمل قاضي وحكم عليها بمنطلق الماضي طبعا ماهو فاضي
زمن الماضي ولي وراح
اصبح حاضرنا زمن الجراح
هاااااا وصلنا لحل؟ طبعا ما وصلناش
لان المشكله لازم تنعاش
يا بنتي مفيش حاجه ببلاش
حتي الابتسامه لها تمن ده زمن غشاش
اخدنا راي الكل وما خلناش
والنتيجه زي ما احنا ما اتحركناش
زماننا بيجري بينا وغير الندم ملقناش.
شوفي يا بنتي وهاعتبرك بنتي يمكن تكوني بسني بس حسيتك مني
...لو انتي بنتي هاخدك بحضني.هسمعك بقلبي واشوفك بعقلي
دايما بقول الصراحه اقصر الحلول .هو حل طويل بس جميل بدل الكدب والويل
هاربي من جديد من بدايه الوليد
واعيد وازيد في مبادئ من حديد
دي بنتي وحته مني لازم اعلم لازم اربي مهما وقعتي
دي زرعه وانا الي هاجني يا تري فهمتي؟؟!!!!!!
كلمه اخيره للشاب الحيله
النت مش وسيله تصطاد منها بنت جميله
فكر وشوف بكره تلف الدايره تاني
ومسيرك يوم هتعاني صلح غلطك
اصلها لو دامت لغيرك ما كنتش وصلتلك تاني!!!!!!!
الموضوع واقعي وقصه حقيقيه
ليست هناك تعليقات:
إرسال تعليق