السلام عليكم
جايه بموقف من مواقف ممكن تمر بينا
بحبك
بموت فيكي
بعشقك
انتي اول واخر حب
عمري ما شفت ولا هشوف زيك
انتي ملكتيني
خلاص مش قادر ابعد عنك
كل يوم بحبك اكترواكتر
لو بعدتي عني ممكن اضيع
انتي الانسانه الي حبتهافعلا
اخلاقك وقلبك الطيب مفيش بعد كده
قمر انا بحب قمر
صعب الاقي انسانه محترمه زيك
الكلام حلو صح؟
صاحبنا بيتكلم مع حبيبته الي بيعيد ويزيد بنفس الحوار
مع التاكيد ان مفيش حد حبه غيرها
وانه صادق بمشاعره ناحيتها
وبقعده غراميه وكلام الحب والحنيه
الاستاذ حبكت معاه جلسه شعريه
واتغزل بحبيبته بوصف الشعروالعيون
شعرك ليل طويل
ونجومه عيونك السود
سود؟ انت بتقول سود؟
اسفه يا حبيبي انا عيوني مش سود
هنا سكت الكلام
هو بغباوته
الحبيب اتلبخ ومش عارف يقول ايه حبيبته عيونها مش سود دي حبيبته القديمه
ياااااااه انا عكيت ولا ايه ؟
الاستاذ بيحب بيحب وبس نفس الكلام بيقوله من غير احساس
مش فارقه ياسمين من نيرمين
هو هيخترع يعني كلام حب منين
ماهي اسطوانه ودايره بين اي حبيبين
في الي يصدق ويقول امين
وفي الي بينفض ويقول اهو كلام مغنيين
لو اتفاجئتي ان حبيبك بيتغزل فيكي وذكر اسم حبيبته الاولي
ايه هيكون رد فعلك؟
والعكس لما حبيبتك وتقولك ازيك يا بسطاويسى مثلا
هتعمل ايه وقتها؟
ليست هناك تعليقات:
إرسال تعليق