فلتن معانا!!!
النهارده يوم غير عادى بكل المقاييس
خارجين من ثوره وعهد جديد ووضع بلد غير عادى
لكن اليوم ده كان من سنين له علامه مميزه الاحمرار الدائم والمتواصل بكل الاماكن
يوم الفلانتين
تحس انك ماشى فى النادى الاهلى او فى منقوع عصير الطماطم
البنات والشباب لابسين التيى شريت الاحمر والاسكارف الاحمر والشنط والبلوزه حتى البوت بقا احمر
ايه كتيبه الاعدام دى!
ولما تقصينا الحقائق عرفنا انه يوم الفلانتين يعنى حب وورد ودباديب واللون الدموى
هو ده الحب يعنى ؟
طب ايش جاب الحب للون الاحمر؟ هل ده سر من اسرار الحب ؟ ولا جت مع الناس كده؟
اكيد فى ناس بتستنى اليوم ده عشان تحتفل مع احبائها بورده او بدبدوب اوكلمه حلوه هما احرار بس السؤال هو اشمعنا يعنى شهر فبراير اللى يكون فيه عيد الحب
امال يا جدعان شهر نوفمبر ده عيد الحب الشتوى وفبراير ده الصيفى مثلا
يعنى هو احنا حمل مصاريف فلانتين واحد لما يبقوا اتنين
على ما اسمع الدبدوب عدى ال50 جنيه خصوصا بالفلانتين ده اقل هديه يعنى امال تسترخص وتبقا بخيل
يعنى هو حب وخراب ديار بلاها حب ياعم
وفى الاخر الاتنين يفركشوا ويرجعوا يندموا على الفلوس اللى انصرفت ماهو مال سايب بقا
ويا ويلك لو نسيت اليوم ده يبقا خلاص نسيت اهم يوم بكره تنسى عيد الميلاد او عيد الجواز
وبدل ما ليلتك تبقى بشموع وورد احمر تبقا ليله مطينه بطين
ده للناس المرتبطه اما الناس اللى كبروا دماغهم بقا اما بيحسدوهم او بيحمدوا ربنا انهم مش مرتبطين
والا كان المرتب طار ولو قضاها كلمتين حلوين تبصله بطرف عين والعين التانيه على هديه يتخطى تمنها ال100 جنيه
بصراحه انا سألت نفسى هو احنا شعب رومانسى لدرجه اننا كل شويه نطلع بعيد ناخد من الدول اللى جمبنا عيد ونعمل زيه مش مهم اصوله ايه
المهم نحتفل شم نسيم عيد حب عيد راس السنه وديلها مفيش مانع
اى حاجه نهيص
يعنى خدها من قصيره وادفع بالتى هى احسن وبلاش تشوف الوش التانى
واحد صاحبنا اقترح اننا نجمع كل الاعياد دى ونخليها فى يوم واحد ومناسبه واحده (موظف حكومى) واهو كله مع بعضه
لكن لامفر
هنا ياجماعه استوقفنى اليوم بحذافيره
لن اناقش شرعيه اليوم من عدم شرعيته لاننا نعلم تمام العلم ان العيد هو العيدين فقط ودون ذلك لم يرد
ما اناقشه هو
هل اصبحت الرومانسيه يوما او يومين بالسنه كى نحتفل بها ومجبرين ان نكوين رومانسيين ؟
هل اذا تناسى خطيبك يوم الفلانتين اصبحت كارثه من كوارث الطبيعه ويبقا من الاعداء؟
هل الغرب دائما يفرض علينا اعياد ومعتقدات ويشترط علينا الالتزام بها؟
طب السؤال للى مش مفلتن يعنى ناوى يفلتن مع مين النهارده؟
بقلم
sodfa
النهارده يوم غير عادى بكل المقاييس
خارجين من ثوره وعهد جديد ووضع بلد غير عادى
لكن اليوم ده كان من سنين له علامه مميزه الاحمرار الدائم والمتواصل بكل الاماكن
يوم الفلانتين
تحس انك ماشى فى النادى الاهلى او فى منقوع عصير الطماطم
البنات والشباب لابسين التيى شريت الاحمر والاسكارف الاحمر والشنط والبلوزه حتى البوت بقا احمر
ايه كتيبه الاعدام دى!
ولما تقصينا الحقائق عرفنا انه يوم الفلانتين يعنى حب وورد ودباديب واللون الدموى
هو ده الحب يعنى ؟
طب ايش جاب الحب للون الاحمر؟ هل ده سر من اسرار الحب ؟ ولا جت مع الناس كده؟
اكيد فى ناس بتستنى اليوم ده عشان تحتفل مع احبائها بورده او بدبدوب اوكلمه حلوه هما احرار بس السؤال هو اشمعنا يعنى شهر فبراير اللى يكون فيه عيد الحب
امال يا جدعان شهر نوفمبر ده عيد الحب الشتوى وفبراير ده الصيفى مثلا
يعنى هو احنا حمل مصاريف فلانتين واحد لما يبقوا اتنين
على ما اسمع الدبدوب عدى ال50 جنيه خصوصا بالفلانتين ده اقل هديه يعنى امال تسترخص وتبقا بخيل
يعنى هو حب وخراب ديار بلاها حب ياعم
وفى الاخر الاتنين يفركشوا ويرجعوا يندموا على الفلوس اللى انصرفت ماهو مال سايب بقا
ويا ويلك لو نسيت اليوم ده يبقا خلاص نسيت اهم يوم بكره تنسى عيد الميلاد او عيد الجواز
وبدل ما ليلتك تبقى بشموع وورد احمر تبقا ليله مطينه بطين
ده للناس المرتبطه اما الناس اللى كبروا دماغهم بقا اما بيحسدوهم او بيحمدوا ربنا انهم مش مرتبطين
والا كان المرتب طار ولو قضاها كلمتين حلوين تبصله بطرف عين والعين التانيه على هديه يتخطى تمنها ال100 جنيه
بصراحه انا سألت نفسى هو احنا شعب رومانسى لدرجه اننا كل شويه نطلع بعيد ناخد من الدول اللى جمبنا عيد ونعمل زيه مش مهم اصوله ايه
المهم نحتفل شم نسيم عيد حب عيد راس السنه وديلها مفيش مانع
اى حاجه نهيص
يعنى خدها من قصيره وادفع بالتى هى احسن وبلاش تشوف الوش التانى
واحد صاحبنا اقترح اننا نجمع كل الاعياد دى ونخليها فى يوم واحد ومناسبه واحده (موظف حكومى) واهو كله مع بعضه
لكن لامفر
هنا ياجماعه استوقفنى اليوم بحذافيره
لن اناقش شرعيه اليوم من عدم شرعيته لاننا نعلم تمام العلم ان العيد هو العيدين فقط ودون ذلك لم يرد
ما اناقشه هو
هل اصبحت الرومانسيه يوما او يومين بالسنه كى نحتفل بها ومجبرين ان نكوين رومانسيين ؟
هل اذا تناسى خطيبك يوم الفلانتين اصبحت كارثه من كوارث الطبيعه ويبقا من الاعداء؟
هل الغرب دائما يفرض علينا اعياد ومعتقدات ويشترط علينا الالتزام بها؟
طب السؤال للى مش مفلتن يعنى ناوى يفلتن مع مين النهارده؟
بقلم
sodfa
ليست هناك تعليقات:
إرسال تعليق