الجلسه الثامنه
ام العربى
اتفقنا انا وصحباتى نتجمع سوا يعنى القعده البناتيتى اياها منها نعرف اخبار بعض ولو واحده واقعه بمشكله نحلها
وبسرعه البرق حددنا ميعاد وكل واحده لبست ونزلت واتجمعوا عندى وقد كان
دخلت الحلوه عزيزه البرفان عندها جايب الشارع من اوله وانذار عربيتها المتعمد اصله مابيرنش الا لما تعمل الريموت(الاطه)
وتك تك ( ده صوت الكعب ابو 10سم) وطبعا اللبس ماقلوكوش الهوت جيب حاجه كده عقبال عندكو وعند السامعين الافرنكه شبر واحد
ده الطول مش العرض ياخوانا لحد يفهم صح
والبادى الفرزتشى والميك اب باريسى باريسى يعنى
والبوت ابو شراشيب زى رعاه الجاموس كده فى اوربا والدول المتقدمه
من هنا دخلت عزيزه اللذيذه علينا وهات يارغى انا رحت الاسبوع الى فات باغى(باريس )
ونزلت الشانزليزيه وعملت شوبنج واو جبت اغلى انواع البرفيوم والميك اب والاسكارفات محدش عمره لا شافها ولا يحلم بيهاعلى اساس اننا لو فتشنا مش هنلاقى صنع فى مصر باخر كل سكارف
اصل يا بناتيت انا عندى فرح وقلت لازم اجيب فستان السواريه من برا هو انا شويه يعنى
طبعا بصينا لبعض كده وفاتحين بقنا ومقولوكوش على الباقى تخيلوا انتوا
لما فستان سهره من برا امال العروسه هتلبس فستانها من الباله ولا ايه وعجبى
طيب يا عزيزه فرح مين خير يعنى
ده فرح عمو يا بناتيت عنده 5شقق فى الفور سيزون
مين ياشابه!!! دى اقل حاجه عنده منهم شقه 1800متر
محدش فينا نطق وهنقول ايه احنا اخرنا نعرف المساكن الجاهزه وادلق او بالكتير شقه ايجار جديده
اوووو نوووو متعرفوش ده عاملها مخصوص لعروسته والرخام المتر ب1000 جنيه
تنحنا يعنى عشان نروح من الصالون للسفره ناخد توصيله تاكسى ده غير سعر البنزين اللى بقا فى العالى
ولما الرخام لوحده كده الباقى كام؟؟!!!
لالالا يابنات ده مهندس ديكور من ايطاليا جايبه معاه مش اى حد كده والسلام عشان دى للشتا بس
المصيف بقا حاجه تانى خالص
ضحكت ضحكه خبيثه كده وسالت عزيزه الا هو عمك بيشتغل ايه؟
-بيزنس مان
يعنى لا مسمى وظيفى ولا شهاده تتفهم يعنى من الاخر عم حسين البواب احسن حبتين على الاقل معروف انه بواب
ها يا حبيبتى كملى الا هو عمك ده ظهر امبارح بس محدش سمع عنه يعنى؟
-ازاى ده علطول بيبعتلنا نزوره فى ايطاليا وجابلى العربيه الى تحت دى فول اوبشن وطبعا احنا مانوعاش الا على الفول المدمس بس
طلعت فيها فريده يا بت اتهدى شويه كل يوم بحكايه يخربيت فشرك بقيتى عامله زى حله الفشار
لامنها ساكته ولا منها مرتاحه نازله طقطقه وجعتى دماغنا
والا هبلغ عن عمك واقول انه فله من فلول النظام وساعتها ابقى خليه يفسحك فى باغى بتاعتك دى
سكتت عزيزه مستغربه رد الفعل الهجومى على اساس انها صح وصدقت روحها (ام العربى)
الفشر عندنا بقا زى اللبانه عندى وعندى وعملت وعملت
بنخلق صوره غريبه عننا لا هى صورتنا ولا تقرب لنا بشئ
ياترى امتا فشرت على صحابك او على نفسك؟
طيب لو فعلا انت صادق وواقعى ممكن تتعامل مع الفشار ازاى؟
بلدنا اتملت فشارين وعندهم اموال بالملايين بس للاسف طلعوا صادقين والكشوف اظهرت ده تفتكر ممكن تصدق حد تانى ؟
لو طلع صاحبك عنده داء الفشر ايه هو تصرفك معاه ؟
وانتظرونى بالحلقه القادمه
بقلم
sodfa
ام العربى
اتفقنا انا وصحباتى نتجمع سوا يعنى القعده البناتيتى اياها منها نعرف اخبار بعض ولو واحده واقعه بمشكله نحلها
وبسرعه البرق حددنا ميعاد وكل واحده لبست ونزلت واتجمعوا عندى وقد كان
دخلت الحلوه عزيزه البرفان عندها جايب الشارع من اوله وانذار عربيتها المتعمد اصله مابيرنش الا لما تعمل الريموت(الاطه)
وتك تك ( ده صوت الكعب ابو 10سم) وطبعا اللبس ماقلوكوش الهوت جيب حاجه كده عقبال عندكو وعند السامعين الافرنكه شبر واحد
ده الطول مش العرض ياخوانا لحد يفهم صح
والبادى الفرزتشى والميك اب باريسى باريسى يعنى
والبوت ابو شراشيب زى رعاه الجاموس كده فى اوربا والدول المتقدمه
من هنا دخلت عزيزه اللذيذه علينا وهات يارغى انا رحت الاسبوع الى فات باغى(باريس )
ونزلت الشانزليزيه وعملت شوبنج واو جبت اغلى انواع البرفيوم والميك اب والاسكارفات محدش عمره لا شافها ولا يحلم بيهاعلى اساس اننا لو فتشنا مش هنلاقى صنع فى مصر باخر كل سكارف
اصل يا بناتيت انا عندى فرح وقلت لازم اجيب فستان السواريه من برا هو انا شويه يعنى
طبعا بصينا لبعض كده وفاتحين بقنا ومقولوكوش على الباقى تخيلوا انتوا
لما فستان سهره من برا امال العروسه هتلبس فستانها من الباله ولا ايه وعجبى
طيب يا عزيزه فرح مين خير يعنى
ده فرح عمو يا بناتيت عنده 5شقق فى الفور سيزون
مين ياشابه!!! دى اقل حاجه عنده منهم شقه 1800متر
محدش فينا نطق وهنقول ايه احنا اخرنا نعرف المساكن الجاهزه وادلق او بالكتير شقه ايجار جديده
اوووو نوووو متعرفوش ده عاملها مخصوص لعروسته والرخام المتر ب1000 جنيه
تنحنا يعنى عشان نروح من الصالون للسفره ناخد توصيله تاكسى ده غير سعر البنزين اللى بقا فى العالى
ولما الرخام لوحده كده الباقى كام؟؟!!!
لالالا يابنات ده مهندس ديكور من ايطاليا جايبه معاه مش اى حد كده والسلام عشان دى للشتا بس
المصيف بقا حاجه تانى خالص
ضحكت ضحكه خبيثه كده وسالت عزيزه الا هو عمك بيشتغل ايه؟
-بيزنس مان
يعنى لا مسمى وظيفى ولا شهاده تتفهم يعنى من الاخر عم حسين البواب احسن حبتين على الاقل معروف انه بواب
ها يا حبيبتى كملى الا هو عمك ده ظهر امبارح بس محدش سمع عنه يعنى؟
-ازاى ده علطول بيبعتلنا نزوره فى ايطاليا وجابلى العربيه الى تحت دى فول اوبشن وطبعا احنا مانوعاش الا على الفول المدمس بس
طلعت فيها فريده يا بت اتهدى شويه كل يوم بحكايه يخربيت فشرك بقيتى عامله زى حله الفشار
لامنها ساكته ولا منها مرتاحه نازله طقطقه وجعتى دماغنا
والا هبلغ عن عمك واقول انه فله من فلول النظام وساعتها ابقى خليه يفسحك فى باغى بتاعتك دى
سكتت عزيزه مستغربه رد الفعل الهجومى على اساس انها صح وصدقت روحها (ام العربى)
الفشر عندنا بقا زى اللبانه عندى وعندى وعملت وعملت
بنخلق صوره غريبه عننا لا هى صورتنا ولا تقرب لنا بشئ
ياترى امتا فشرت على صحابك او على نفسك؟
طيب لو فعلا انت صادق وواقعى ممكن تتعامل مع الفشار ازاى؟
بلدنا اتملت فشارين وعندهم اموال بالملايين بس للاسف طلعوا صادقين والكشوف اظهرت ده تفتكر ممكن تصدق حد تانى ؟
لو طلع صاحبك عنده داء الفشر ايه هو تصرفك معاه ؟
وانتظرونى بالحلقه القادمه
بقلم
sodfa
ليست هناك تعليقات:
إرسال تعليق